Pichük e o seu robot investigan polos desertos de Aridöndia o comportamento da especie que lle dá nome ao seu planeta: as minchas niles. Descubrirán como viven no árido deserto e intentarán descifrar a súa linguaxe xestual coa que conseguen predicir acontecementos importantes antes de que ocorran.
Diario de Pichük, as vivencias dun científico soñador.

Pichük lembra en primeira persoa as súas orixes familiares e as súas aventuras xuvenís. Vainos contar como chegou a converterse nun dos científicos de máis sona do Planeta Mincha grazas á súa curiosidade por todo o que o rodea.
Diario de Pichük, as vivencias dun científico soñador.

Pichük e Riböt pérdense na fría paisaxe de Hëlus, sorprendidos por unha tormenta de neve, mentres intentan atopar un exemplar dunha especie chamada zigüt. Mais non é doado dar cunha manda deles cando o problema principal é a súa supervivencia.
A néboa e o frío só han ser algúns dos problemas nesta xélida viaxe polo sur do Planeta Mincha.

Pichük, o científico con máis prestixio do Planeta Mincha, intenta achegarse a unha
das especies máis temibles da rexión de Aridöndia: o lampönak.
O único momento de tranquilidade que, aparentemente, ofrecen estes depredadores dáse durante a dixestión aínda que esta agocha tamén os seus perigos.
Unha misión de alto risco para Pichük e o seu robot Riböt.

Nesta nova aventura, percorreremos xunto a Pichük e Riböt a rexión de Longölia, na procura dunha das máis grandes e enigmáticas especies do Planeta Mincha. O valor, a paciencia e a perseveranza son as armas que utilizará o protagonista para intentar acadar o seu obxectivo, pero non será fácil. Ninguén conseguiu endexamais verlle a cara ao longöbio, será o noso científico favorito quen de facelo?
Diario de Pichük, as vivencias dun científico soñador